Швајцарија ќе биде посредник меѓу Иран и Саудиска Арабија, откако овие две земји минатата година ги прекинаа дипломатските односи, соопштија властите во Берн.
Владата на Швајцарија ќе ги застапува интересите на Саудиска Арабија во Техеран и на Иран во Ријад. Договорот е склучен одделно во амбасадите на Швајцарија во главните градови на овие две земји.
Саудиска Арабија и Иран ги прекинаа дипломатските односи во јануари минатата година, откако Саудијците егзекутираа истакнат шиитски свештеник. По убиството избувнаа демонстрации, по што беше нападната саудиската Амбасада во Техеран.
Швајцарија често посредувала меѓу земји со меѓусебни спорови, како САД и Куба, а потоа и САД и Иран.