Возачите на јавниот автобуски превоз во Лондон денеска започнаа 24-часовен штрајк поради нерамноправноста во вреднувањето на нивниот труд.
Се очекува во протестот да се вклучат околу 27.000 возачи.
Организатор на штрајкот е синдикатот Јунајт. Возачите се незадоволни од фактот што за една иста работа вработените во 18 транспортни компании добиваат различна плата, разликата понекогаш изнесува и до 4,5 долари на час, и бараат единствена тарифна ставка.
Штрајкот би можел да предизвика голем проблем во сообраќајот во главниот град на Велика Британија.