Шпанската владата продолжува да конфискува пропагаден материјал во обидот да го спречи референдумот за независност на Каталонија, а главниот обвинител не ја исклучи можноста и за апсење на политичкиот лидер.
Шпанското Обвинителство соопшти дека службеници, кои ќе учествуваат во каква било подготовка за референдумот, може да бидат обвинети за злоупотреба на службена должност и државни средства.
Главниот обвинител на Шпанија, Хосе Мануел Маса изјави дека не исклучува можност за апсење на регионалниот премиер Карлес Пучдемон „при определени услови“.
И покрај тоа, над 700 каталонски градоначалници се собраа во саботата во Барселона за да дадат поддршка за референдумот.