Шпанската полиција заплени 2,5 милиони гласачки ливчиња и 100 гласачки кутии, наменети за референдумот за независност на Каталонија, закажан за в недела.
Припадниците на полицијата ги пронашле изборните материјали во селото Игуаледа, во близина на Барселона. Покрај тоа, пронајдени се четири милиони коверти. Со одлука на обвинителството, Цивилната гарда е должна да ги заплени сите материјали наменети за референдумот на 1 октомври.
Претходно, регионалниот парламент на Каталонија одобри два референдумски закони. Со првиот, се создава правна основа за неговото спроведување, а со вториот, се уредува излегувањето на регионот од Шпанија, доколку така се изјаснат мнозинството гласачи. Официјален Мадрид ги смета за незаконски двата закона, како и самиот референдум. Централната влада уверува дека референдумот нема да се одржи, а регионалната влада е убедена поинаку.