Шпанија и Велика Британија преговараат за договор за безбедност и одбрана за периодот по повлекувањето на Лондон од Европската унија. Ова го објави весникот Паис, повикувајќи се на шпански дипломатски извори.
Според весникот, договорот предвидува соработка во борбата против тероризмот, во киберодбраната, како и заеднички воени мисии и „мерки за доверба“ што влијаат на британската база на Гибралтар – повод за постојани несогласувања меѓу двете земји.
Весникот појаснува дека во проектот не се споменуваат проблеми поврзани со надворешната политика и одбраната, што дава многу можности за заеднички активности.