Шпанските власти денеска почнаа со евакуација на луѓе кои се помалку подвижни на островот Ла Палма во Атлантикот, откако експертите издадоа предупредување за посилни земјотреси и постојана опасност од вулкански ерупции.
Властите наложија евакуација на жителите кои се помалку подвижни од селата во близина на центарот на сеизмичка активност како превентивна мерка. Некои ќе бидат пренесени во воен објект на островот.
Земјотрес со интензитет од 3,8 степени е регистриран денеска, бидејќи на површината се почувствувале вибрации на сеизмичка активност.
Научниот комитет на Планот за спречување на опасност од вулкани соопшти дека најверојатно ќе се почувствуваат посилни земјотреси и би можеле да предизвикаат оштетување на зградите.
Итните служби добија наредба да се подготват за евакуација на околу 1.000 луѓе, доколку е потребно, соопштија властите.