Некои продавници и бизниси почнаа повторно да се отвораат во предградијата на Валенсија, нешто повеќе од една недела откако катастрофалните поплави ја опустошија источна Шпанија. Сопственичката на кафулето, Пепа Хуанес, вели дека имала среќа бидејќи водата не влијаела на повеќето нејзини апарати. Таа веќе е повторно отворена и може да почне да им служи топли пијалоци на големиот број волонтери кои помагаат во чистењето.
Se han puesto en marcha 6 unidades móviles de documentación para atender a los ciudadanos afectados por la #DanaValencia
3 oficinas móviles ya están operativas en #Sedaví, #Alfafar y #Benetússer
Próximamente entrarán en funcionamiento otros 3 Vehículos Integrales de… pic.twitter.com/qae9Kb0M5D
— Policía Nacional (@policia) November 7, 2024
Но, другите немаа толку среќа.
Ќе ми требаат најмалку месец или месец и пол или два месеци да отворам. Мислам, немаме фрижидери, немаме замрзнувачи, немаме ладилник, вели Ана Лима Атиенца, сопственичка на Divinee Cafe.
„Барем денес можеме да ја користиме улицата. Луѓето веќе почнаа да го изнесуваат целиот отпад, но ова ќе потрае долго време“, вели Атиенца.
Најмалку 219 луѓе загинаа во најголемата природна катастрофа во Шпанија во последните децении, откако поројните дождови ја погодија Валенсија кон крајот на октомври.
Hoy me he reunido con el presidente del ICO y con el presidente del Consorcio de Compensación de Seguros y su directora general, para conocer de primera mano los avances en las actuaciones y ayudas del @consorseguros y el @ICOgob, destinadas atender a los afectados por la DANA.… pic.twitter.com/q0uhToKUBF
— Pedro Sánchez (@sanchezcastejon) November 7, 2024
Метеоролозите велат дека за само осум часа паднала количината на дожд што вообичаено паѓа за една година. 93 лица се официјално прогласени за исчезнати, но властите признаваат дека вистинскиот број може да биде поголем. Уште 54 тела останаа неидентификувани. Според властите, спасени се вкупно 36.605 луѓе.
Целосната големина на штетата не е позната, но шпанскиот Конзорциум за обештетување на осигурувањето, јавно-приватна институција која плаќа компензација за екстремни ризици како што се поплави, проценува дека ќе плати најмалку 3,5 милијарди евра отштета. Конзорциумот прими 116.000 барања за штети од поплавите, со 60% од барањата за автомобили и 31% за домови.
Шпанското здружение на осигурувачи предвидува дека поплавите ќе го соборат историскиот рекорд во исплати. Министерството за транспорт досега поправи 232 километри патишта и пруги, но брзата железничка линија меѓу Валенсија и Мадрид се уште е уништена.
Централната влада одобри пакет помош од над 10 милијарди евра за семејствата, компаниите и градската администрација.
Но, широко беше критикувано дека регионалните власти бавно реагираа на катастрофата и дека многу луѓе беа принудени да се снаоѓаат сами со мала или никаква поддршка од владата или службите за итни случаи.
Итната операција мобилизирана од централните власти порасна на повеќе од 17.000 војници и полицајци.
Во операцијата се вклучени 8.000 војници, од кои 2.100 се членови на воени единици специјализирани за одговор при катастрофи, заедно со 9.200 дополнителни полицајци од другите делови на Шпанија.
Илјадници обични граѓани, исто така, волонтираа, но нема точна проценка колку всушност учествувале во акцијата за чистење.