Шолц: Нарушувањето на територијалниот интегритет на Украина ќе има висока цена

Од:

Поради зголемените безбедносни тензии на руско-украинската граница, германскиот канцелар Олаф Шолц денеска изјави дека „нарушувањето на територијалниот интегритет ќе има висока цена“.

-Деновиве со голема загриженост ја следиме безбедносната ситуација на руско-украинската граница, рече новиот германски канцелар во обраќањето пред Бундестагот.

Тој додаде дека за оваа тема денеска попладне ќе се разговара на Европскиот совет и на самитот на Источното партнерство на Европската унија.

-Доколку сите сè уште не разбрале, дозволете ми сега да го повторам тоа што го кажа и мојата претходничка на функцијата. Секое нарушување на територијалниот интегритет ќе има цена, и тоа висока цена, рече Шолц.

Западот се сомнева дека Русија подготвува нова инвазија на Украина и распоредува сили на заедничката граница.

Кремљ ги отфрла овие обвинувања и тврди дека на Русија и се заканува НАТО, кој го вооружува Киев.

Би можело да ве интересира

Кримските Татари тврдат: Ќе се спротивставиме на меѓународното признавање на Крим како дел од Русија

Руски дрон погоди автобус во Украина, најмалку девет лица загинаа, а 30 се повредени

(ВИДЕО) Русите го напаѓаат регионот Одеса со беспилотни летала

Руската одбрана собори 11 украински беспилотни летала

Путин призна дека Русија повеќе пати напаѓа цивилни цели во Украина

Германија e погодена од неверојатни поскапувања