Германскиот канцелар Олаф Шолц денеска го повика Иран да го прекине „циклусот на ескалација“ откако Израел утринава изврши напади врз ирански воени локации.
Шолц посочи дека воздржаноста може да го отвори патот за мир на Блискиот Исток, објави Ројтерс.
– Мојата порака до Иран е јасна: не можеме да продолжиме со масовни реакции и ескалација. Мора веднаш да престане. Ова ќе создаде можност за мирен развој на Блискиот Исток – изјави германскиот канцелар на социјалната мрежа Икс.
Израел утринава нападна воени локации во Иран како одговор на нападот на Иран од 1 октомври.