Марк Цукерберг, главен извршен директор на Мета, рече дека високи функционери во администрацијата на претседателот Бајден вршеле притисок врз неговата компанија да цензурира содржина поврзана со COVID-19 за време на пандемијата.
Во писмото од 26 август, Цукерберг признал дека жали што претходно не проговорил за овој притисок, како и за одредени одлуки што ги донеле сопствениците на Facebook, Instagram и WhatsApp во врска со отстранувањето на одредени содржини.
„Во 2021 година, високи функционери од администрацијата на Бајден, вклучително и Белата куќа, со месеци вршеа притисок врз нашите тимови да цензурираат одредени содржини за Ковид-19, вклучувајќи хумор и сатира, и изразија големо незадоволство кога не се согласувавме“, напиша Цукерберг во писмото објавено од Комитетот за судството на својата Фејсбук страница.
„Верувам дека притисокот од владата беше погрешен и жалам што не бев погласен за тоа“, напиша тој. „Исто така, мислам дека донесовме некои одлуки кои, со оглед на новите информации, немаше да ги донесеме денеска.
Ниту Белата куќа ниту Мета не одговорија на барањето за коментар надвор од работното време во Соединетите држави.
Писмото е адресирано до Џим Џордан, претседател на Комитетот и член на Републиканската партија. Во својата објава на Фејсбук, Одборот го нарече писмото „голема победа за слободата на говорот“ и истакна дека Цукерберг признал дека „Фејсбук ги цензурира Американците“.
Во писмото Цукерберг потенцира и дека годинава нема да дава никакви придонеси за поддршка на изборната инфраструктура за да нема влијание на претседателските избори во ноември.