Рускиот министер за одбрана Сергеј Шојгу објави дека Русија веднаш ќе започне со мобилизација на 300.000 резервисти.
„Нашите човечки резерви се огромни и изнесуваат 25 милиони луѓе, а оваа мобилизација претставува само еден процент од потенцијалот“, рече рускиот министер за одбрана. Ќе бидат мобилизирани лица со претходно воено искуство и тие ќе поминат обука пред да заминат на бојното поле.
„Ние не се бориме против Украина, туку против целиот Запад“, рече Шојгу.
Шојгу рече дека Русите досега изгубиле 5.937 животи во војната во Украина. Шојгу го имаше телевизиското обраќање откако рускиот претседател Владимир Путин прогласи итна делумна воена мобилизација.