Руските воени блогери шпекулираат дека руското Министерство за одбрана го сменило генерал-полковник Андреј Сичевои од неговата функција како командант во Бахмут поради лошите резултати на бојното поле јужно од градот, во близина на Клишчејевка и Андрејевка, пишува Институтот за проучување на војната (ISW).
Според ISW, „Бура З“ на 1 октомври предложила руската воена команда да го отстрани Сичевј затоа што извршувал контранапади кај Андрејевка и Клишчејевка кои биле „неподготвени и без поддршка“, објави „Киев Индипендент“.
Тој беше командант на Западната група на сили во регионот Харков се додека не беше сменет во септември 2022 година, а неговата моментална позиција во руската армија е непозната.
Претходно оваа недела, ISW објави дека украинските сили напредувале во близина на селото Орихово-Василивка, лоцирано 11 километри северозападно од Бахмут (Артјомовск на руски) во Доњецката област.