Евентуална одлука на Велика Британија да ја напушти Европска унија ќе биде отровна за британската, за европската и за глобалната економија, кои што со години нема да можат да се заздрават,изјави германскиот министер за финансии Волфганг Шојбле.
Како што јави дописникот на МИА од Берлин, Шојбле наведува дека доколку тоа се случи ќе има долги и мачни договори меѓу ЕУ и Велика Британија.
– Со години ќе имаме несигурност, која што ќе биде отровна за Велика Британија, за европскиот континент и за глобалната економија, посочи Шојбле.
Во врска со Турција тој вели дека германската Влада има сериозни сомнежи дали треба да и се дозволи да стане членка на ЕУ.
Преговорите ќе траат долго време и тоа не е грижа за сегашноста, со што искусниот германски политичар го исклучи членството на Анкара во ЕУ догледно време.