Украинскиот премиер Денис Шмихал изјави денеска дека континуираните руски напади покажуваат дека Москва сака да го продолжи својот „терор“ и покрај делумното примирје договорено минатата недела.
„Украина се стреми кон мир, а Русија уште еднаш покажува дека сака да продолжи со теророт. Меѓународната заедница мора да го зголеми притисокот врз Русија да ја запре агресијата и да обезбеди правда и да ги спаси животите на Украинците“, изјави Шмихал на платформата „Икс“.
Тој истакна дека Русија денеска нападна цивилна инфраструктура во Сума, а во нападот беа оштетени станбени згради, а во руското гранатирање има и повредени, меѓу кои има и деца.
Шмихал изјави дека единиците на Државната служба за итни случаи се на терен.