Ирачки шиитски паравоени формации денеска почнаа офанзива за преземање на градот Тал Афар, кој е под контрола на џихадистичката група Исламска држава (ИД).
Тал Афар се наоѓа западно од Мосул и евенталното негово преземања од страна на шиитските паравоени групи, ќе ја прекине врската на ИД во Ирак со териториите под нејзина контрола во Сирија.
Низ Тал Афар минува главната сообраќајница меѓу Мосул и сирискиот град Рака, кој важи се престолнина на т.н. Исламски Калифат што го прогласи ИД.
Операцијата во Тал Афар почнува во време на офанзивата на ирачката армија и нејзините сојузници за потиснување на ИД од Мосул.