Најмалку шест луѓе загинаа во денешните судири меѓу полицијата и происламистичките демонстранти во Каиро, соопшти египетското Министерство за здравство.
Приврзаници на соборениот претседател Мохамед Морси организираа демонстрации по денешната молитва по повод празникот Рамазан Бајрам.
Според полицијата, демонстрантите нападнале полициска станица во кварт во близина на пирамидите во Гиза.
По судирите приведени се околу 15 приврзаници на исламистичкото движење Муслиманско братство.