Генералниот секретар на НАТО, Јенс Столтенберг денеска изјави дека членките и партнерите на воената алијанса досега и испорачале на Украина 230 тенкови, повеќе од 1.550 оклопни возила и „огромно количество муниција“.
„Повеќе од 98 отсто од борбените возила ветени на Украина се веќе испорачани“, рече Столтенберг на прес-конференција со премиерот на Луксембург Ксавиер Бетел во Брисел.
„Вкупно, обучивме и опремивме повеќе од девет нови украински оклопни бригади“, додаде тој. Бригадата на НАТО ја сочинуваат неколку илјади војници.
„Ова ќе ја стави Украина во силна позиција да продолжи да ја враќа контролата врз окупираната територија“, додаде тој.