Иран многу брзо ќе се врати на преговарачка маса за обнова на почитувањето на нуклеарниот договор од 2015 година, изјави денеска иранскиот министер за надворешни работи, Хосеин Амир-Абдулахиан.
– Исламската Република Иран ќе се врати на преговарачка маса. Во моментов ги разгледуваме досиејата во Виена и многу скоро повторно ќе започнат преговорите на Иран со земјите од форматот „четири плус еден“, истакна шефот на иранската дипломатија, без да прецизира конкретен датум.
Претходно оваа недела, ирански извори најавија дека преговорите ќе продолжат во рок од еден месец.