Русија можеби ќе испрати нови тактички ракети „Искандер“ во својата енклава Калининград како одговор на најновата акција на САД на Балтикот, изјави денеска шефот на Одборот на руската Дума за одбрана Владимир Шаманов.
Русија ги обвини САД дека незаконски ги јакнат своите сили во Полска и во балтичките земји, наведувајќи дека во тајност распоредиле оклопна дивизија, со што го прекршиле главниот пакт кој управува со односите помеѓу Москва и НАТО.