Германското Министерство за надворешни работи го повика амбасадорот на Северна Кореја во Берлин да ги објасни тестовите на нуклеарни воени проектили, кои што предпладне ги потврди официјален Пјонгјанг.
Портпаролот на германското МНР Мартин Шефер потврди дека попладнево се очекува севернокорејскиот прв дипломат во Берлин да пристигне во Министерството за да ги објасни нуклеарните чекори на неговата земја и да прими официјален протест за нуклераните проби на североистокот од земјата.
За Германија последната нуклеарна проба, која е една од најголемите во последните години, е провокација на која заедно со своите партнери од ЕУ ќе биде одговорено одлучно, порача владата во Берлин.