Со одлука на високата воена команда на Северна Кореја делови на Корејската народна армија од денеска во 17:00 часот по локално време се наоѓа во состојба на полна борбена готовност, а во регионот на границата со Јужна Кореја е воведена воена состојба, изјави севернокорејскиот амбасадор во Кина, пренесува ТАСС.
Според амбасадорот, Генералштабот на армијата вчера постави ултиматум на јужнокорејското Министерство за одбрана во рок од 48 часа да ја прекине пропагандата долж демилитаризираната зона на границата.
– Ако нашето последно предупредување не биде исполнето, ние ќе бидеме принудени да дадеме цврст одговор, нагласи амбасадорот.