Северна Кореја денеска објави дека успешно лансирала нова балистичка ракета со среден дострел (IRBM) со хиперсонична боева глава, велејќи дека оружјето сигурно ќе помогне да се одвратат непријателите во регионот на Пацификот.
Пјонгјанг објави дека проектилот прелетал околу 1.500 километри со брзина 12 пати поголема од звукот и дека ракетниот тест го водел лидерот Ким Џонг Ун, пренесе севернокорејската новинска агенција КЦНА.
„Хиперсоничниот ракетен систем сигурно ќе го спречи секој ривал во регионот на Пацификот кој може да ја загрози безбедноста на нашата земја“, соопшти агенцијата.