Северна Кореја воведе нови уставни одредби според кои државата автоматски би возвратила со нуклеарно оружје доколку лидерот Kim Jong-un биде убиен или ако биде нарушен командниот систем на земјата, објави The Telegraph.
Според написот, Пјонгјанг ја зацврстува својата нуклеарна доктрина и испраќа јасна порака дека секој обид за соборување или елиминација на режимот би предизвикал непосреден и масовен одговор.
Во текстот се наведува дека измените биле поттикнати од неодамнешните геополитички случувања на Блискиот Исток и убиствата на високи политички и воени личности, по што севернокорејското раководство дополнително ги засилило безбедносните механизми.
Покрај уставните измени, Северна Кореја продолжува и со воените активности во близина на границата со Јужна Кореа, каде што распоредува нови артилериски системи и го зголемува присуството на вооружените сили.
Во меѓувреме, властите во Пјонгјанг официјално се откажуваат од долгогодишната политика за обединување со Јужна Кореја и ја дефинираат државата како трајна нуклеарна сила.
Безбедносни аналитичари предупредуваат дека ваквата политика значително го зголемува ризикот од ескалација во регионот, бидејќи евентуален нуклеарен одговор повеќе не би зависел од директна наредба на лидерот, туку би можел автоматски да се активира во случај на напад врз врвот на режимот.