Северна Кореја истрела четири балистички ракети, од кои три паднаа во Јапонското Море, на 300 километри од северозападниот брег на Јапонија, соопштија денеска јапонски и јужнокорејски официјални лица.
Станува збор за интерконтинентални балистички ракети (ИЦБМ) што може да погодат цели во САД, а според тврдењата на официјалните лица, ракетите летале во просек по околу 1.000 километри и достигнале височина од 260 километри
Ракетите се лансирани од регионот Тонгчанг-ри, во близина на северната граница со Кина, тврдат јужнокорејски официјални претставници.
Американски воени извори тврдат дека нема индикации оти Северна Кореја користела ИЦБМ ракети, но и дека нема опасност за САД.