Локалната власт на главниот град на Јужна Кореја, Сеул денеска побара отштета од четири милиони долари од Презбитеријанската црква поради предизвикување на нов бран на епидемијата и попречување на тестирањата за Ковид-19.
Сеул стана жариште на новиот коронавирус откако верници од Презбитеријанската црква во средината на август одржаа протест. Оттогаш во градот дневно се пријавуваат по трицифрени заболени лица.
Локалната власт на Сеул најави дека ќе подигне тужба против црквата Саранг Јеил и нејзиниот пастор и критичар на власта Јун Кванг-хун, бидејќи придонеле за повторно ширење на Ковид-19 и одбивање и попречување на епидемиолошките истражувања и поднесување на лажни материјали. Сеул ќе бара и отштета од четири милиони долари.
И Јужнокорејското здравствени осигурување најави дека ќе ја тужи цркавата и ќе бара отштета од 4,7 милиони долари.