Најмалку 33 луѓе загинаа, а над седум милиони американски жители останаа без струја после ударот на урагонот „Сенди“, кој го погоди источниот брег на САД.
Претседателот Барак Обама објави состојба на „голема катастрофа“ во Њујорк, Лонг Ајленд и Њу Џерси.
Евакуирани се повеќе од милион луѓе, штетата е огромна, а спасувачките екипи не стигнуваат да одговорат на илјадниците повици.
Најтешко е погоден Атлантик Сити, кој во поголемиот дел е потполно потопен.
Под вода се и улиците на Њу Џерси и Њујорк, а Менхетен во текот на ноќта беше во мрак.
