Aгенти на ФБИ разговараа со дваесет и шестгодишниот Царнајев врз основа на информациите на руските функционери, дека можеби бил во врска со екстремисти, меѓутоа не го идентификува како потенцијална закана.
Американски законодавци оваа недела ќе ги испитуваат безбедносните функционери за тоа дали ФБИ погрешно ги протумачи информациите добиени во текот на испитувањата на осомничениот Тамерлан Царнајев за бомбашкоот напад на маратонот во Бостон.
ФБИ го испраша Царнајев за неговиот минатогодишен шестмесечен престој во руските покраини Дагестан и Чеченија.
Сенаторката Дајен Фајнстајн, која е на чело на сенатскиот одбор за разузнавање, вели дека нејзиниот одбор ќе се обиде да го разјасни тоа, во текот на претресот зад затворени врати.
Безбедносните функционери ќе одржат брифинг за членовите на Претставничкиот дом, додека Сенатот во полн состав ќе брифира во текот на неделава.
Елена Георгиевска