Најмалку седум лица се повредени денеска откако експлодираше бомба на пазар во градот Исулан на југот на Филипини, што е четврт бомбашки напад во тој регион во изминатите 13 месеци, соопшти филипинската армија.
Засега никој не ја презеде одговорноста за нападот, а властите се сомневаат во милитантна група поврзана со Исламска држава активна во тој главно христијански град.
На видео-снимките се гледа дека експлозијата се случила на паркинг за моторцикли, а импровизираната експлозивна направа е поставена помеѓу две паркирани возила, соопштија официјалните лица.