На претстојниот самит на шефови на дипломатиите на државите членки на ЕУ, кој ќе се одржи на 19-ти јануари во Брисел, седуммина од нив ќе бараат укинување на санкциите против Русија.
Како што пренесе „Итар Тас“ повикувајќи се на дипломатски извори од ЕУ, укинување на санкциите против Русија ќе бараат Австрија, Унгарија, Италија, Кипар, Словачка, Франција и Чешка.
Според наводите овие држави кои што се заговорници за намалување на тензиите и воспоставување на подобри односи со Руската Федерација, треба да претстават документ кој претставува платформа за укинување на санкциите кои тие заеднички го изработиле.
Е. Г.