Студениот бран во Украина ги однесе животите на 61 лице, откако температурите овој месец достигнаа минус 23 степени Целзиусови.
Претставник на украинското Министерство за здравство истакна дека 43 лица починале од студ на улица, деветмина биле пронајдени мртви во нивните домови, а уште девет починале во болница.
Снежната покривка во земјата достигна околу половина метар, а температурите вечерва би можеле да се спуштат до минус 28 степени во северниот, централниот и источниот дел на Украина, прогнозираат синоптичарите.
Во февруари оваа година, кога земјата со 45 милиони население ја преживеа најстудената зима во последните шест години, повеќе од 130 луѓе починаа од студ.