Австриските власти се сомневаат дека околу 130 лица, кои живеат во земјата, повеќето од нив странци, се приклучиле кон исламистите кои се борат во странство, изјавија денеска претставници на австриското Министерство за внатрешни работи.
Тоа е зголемување од околу една третина во споредба со претходните оценки.
– Во оваа бројка се вклучени и луѓе, кои активно учествуваат во борбени операции, како и такви кои се вратиле во Австрија, изјави на прес-конференција началникот на Дирекцијата за јавна безбедност во Министерството, Конрад Коглер.
Според него околу две третини од тие луѓе се вратиле во Австрија, а околу една третина учествуваат во борби или се на пат да се вклучат во нив.
Австриските власти ги следат патувањата и активностите на сите од таа група поради заканите за безбедноста.
Четириесет од 130-те лица се австриски државјани. Повеќето од останатите се од Русија, Турција и балканските земји.