Украински пилот на МиГ-29 загина откако заврши борбена мисија, соопштија украинските воздухопловни сили.
– Пилотот, мајор Сергеј Бондар, загина при слетување, соопштија воздухопловните сили. Причините и околностите сè уште се утврдуваат, се додава во соопштението.
Воздухопловните сили не прецизираа каква мисија извршувал пилотот кога загинал.
За време на руските воздушни напади врз Украина, кои стануваат сè поинтензивни и почести во последните месеци, украинските пилоти често работат со копнени воздушни одбрани за да ги одвратат нападите.
