Мал дел од покривната конструкција на стадионот во градот Салвадор се урна, а според првичните информации на локалните медиуми, никој не е повреден во овој инцидент во североисточниот дел на Бразил.
Инцидентот на стадионот Арена Фонте Нова се случил, најверојатно поради поројните дождови, а конструкцијата не можела да издржи толку голема количина на вода.
На стадионот по инцидентот веднаш пристигнале екипи на работници, со цел од покривот да се отстрани водата и да се спречи натамошно уривање.
Арена Фонте Нова е еден од стадионите, на кои ова лето ќе се играат натпреварите Куп на конфедерациите, а следната година и дуели на Светското првенство.