Се сретнаа Шолц и Нетанјаху: „Безбедноста на Израел е германски национален интерес“

Од:

Германскиот канцелар Олаф Шолц денеска во Берлин му се заблагодари на израелскиот премиер Бенјамин Нетанјаху за пријателските односи меѓу Германија и Израел и ја гарантира натамошната поддршка на Германија, особено кога станува збор за безбедноста на оваа земја.

„Ние сме обединети од нашата загриженост за иранската нуклеарна програма. Се согласуваме дека Иран не смее да поседува нуклеарно оружје“, рече Шолц. Тој и Нетанјаху разговараа и за рускиот напад врз Украина и изразија согласност кога станува збор за поддршката на Украина. „Германија, Европа и Израел стојат заедно во поддршка на Украина“, додаде Шолц.

„Ние сè уште сме за решение засновано на две независни држави“, рече Шолц, мислејќи на Блискиот исток, но се спротивстави на изградбата на нови еврејски населби на палестинските територии. Тој се осврна и на спорната судска реформа во Израел, против која беа покренати бројни протести во Израел, но и во Германија.

„Независноста на судството е од голема вредност за демократијата. Како пријатели кои споделуваат демократски вредности со Израел, интензивно, но со загриженост ја следиме дискусијата за судските реформи. Ние се залагаме за најширок општествен консензус за ова прашање“, рече Шолц.

Тој додаде дека се надева оти предлогот за компромисна реформа, предложен од израелскиот претседател Исак Херцог, а отфрлен од Нетанјаху, сепак ќе го најде својот пат до имплементација. За односите меѓу Германија и Израел, германскиот канцелар рече дека тие се блиски, разновидни и единствени.

Би можело да ве интересира

Германците пресметаа: Одморот во Хрватска е поскап отколку во Шпанија, Грција и Португалија

Мртво девојче е пронајдено покрај брегот на Рајна, уапсени се нејзините родители

Германија протера авганистанско семејство, Варшава го осуди овој потег како кршење на законот

Горан Наумовски

(ВИДЕО) Германската полиција спречи можен масакр во Хамбург

(ВИДЕО) Германија: Полиција застрела маж кој се обидел да нападне минувачи со секира близу фан зоната со холандски навивачи

Горан Наумовски

Неколкумина навивачи се ранети во инцидент во Германија, полицијата го застрела напаѓачот

Горан Наумовски