Сè повеќе Украинци бараат азил во Европската унија

Од:

Европската канцеларија за поддршка на азил соопшти дека во последните месеци е регистрирано зголемување на барањата за азил од Украина.

Во февруари биле поднесени 971 барање, што е зголемување за 72 проценти во споредба со јануари, што Украинците ги прави „една од првите 10 националности во поднесените барања за азил“. Зголемувањето се совпаѓа со интензивирањето на тензиите меѓу Русија и Украина.

Според светските агенции, генерално, има сериозен пад на барањата за азил во последните месеци поради пандемијата на коронавирусот.

Во 2020 година, барањата за азил во ЕУ и земјите како Швајцарија и Норвешка паднаа на осумгодишен минимум, до вкупно 461.300.

Во февруари годинава биле поднесени вкупно 38.300 барања, што е помалку од две третини од нивото пред една година.

Барањата од деца без родители останале на исто ниво како и пред пандемијата – 1.300.

Франција добила најмногу барања за азил од Украина. Податоците на Евростат покажуваат дека во ноември 59 проценти од 765 украински барања во целата Унија биле поднесени во Франција.

Во Чешка во 2020 година, повеќето барања за азил биле поднесени од Украинци, а во Полска и Лихтенштајн тие се меѓу првите пет националности.

Во февруари, само 78 Украинци добиле статус на бегалец или заштита во ЕУ, додека 482 барања биле одбиени.

Би можело да ве интересира

Прајс: Белорусија ќе добие брз и цврст одговор ако дозволи Русија од нејзина територија да изведе напад на Украина

Бајден се заканува со санкции лично против Путин ако Русија ја нападне Украина

Столтенберг: НАТО размислува за дополнително засилување на источното крило

А1он

Украинскиот министер за одбрана Резњиков подготвен за средба со рускиот колега Шојгу

А1он

Псаки: Бајден нема намера унилатерално да испрати војска во Украина

А1он

Канада од Украина ги повлекува семејствата на дипломатите

А1он