По реакцијата на СДСМ и разобличувањето на нивната груба манипулација и лага, ВМРО-ДПМНЕ молчешком ја избришаа фотографијата од нивната бен страна, со којашто денеска пратеникот Миле Лефков мафташе на прес-конференција, тврдат од СДСМ.
„Станува збор за целосно разобличен обид за политичка монтажа, во која Лефков свесно објави лажна фотографија од невин човек, со цел да ја поврзе трагедијата од пожарите со СДСМ и Зоран Заев.
Лефков не само што свесно лажеше пред целата јавност, туку и грубо изманипулира за партиски цели. Бришењето на фотографијата од веб страната на ВМРО-ДПМНЕ е доказ дека се фатени во лага. Но одговорноста не се брише.
Бараме Лефков и неговиот ментор Мицкоски јавно да се извинат. Очекуваме итна реакција од Јавното обвинителство за ширење лажни вести и загрозување на правната сигурност. Следува и тужба за клевета и нарушување углед, велат од партијата.
