Службата за безбедност на Украина (СБУ) денеска ја обвини Русија дека употребила најмалку 20 севернокорејски балистички ракети во нападите врз Украина од крајот на декември минатата година.
Ракетите „Хвасонг-11“ истрелани од руските сили наводно убиле најмалку 24 цивили и раниле уште најмалку 100 луѓе во Украина, пишува „Политико“.
Се додава дека Русија за прв пат употребила севернокорејски ракети на 30 декември 2023 година за време на гранатирањето на регионот Запорожје во југоисточна Украина.