Советот за безбедност на ОН ги повика Израел и Палестина да соработуваат во истрагата за убиството на тројцата израелски тинејџери, кои исчезнаа кон средината на јуни на Западниот брег и чии тела беа пронајдени во понеделникот во близина на Хеброн, пренесува ИТАР-ТАСС.
Израел смета дека одговорноста за убиството на тинејџерите е на палестинското движење „Хамас“.
Поради тензичната ситуација на Блискиот Исток членовите на СБ на ОН ги повикаа сите земји во регионот да се воздржат од постапки, што може да доведат до поголема дестабилизација.