Министерот за енергетика на Саудиска Арабија, Халид ал Фалих најави дека Саудиска Арабија поканила фирми од САД да учествуваат во развој на програмата за употреба на нуклеарна енергија за цивилни цели.
Оваа изјава следуваше по средбата на Фалих со американскиот министер за енергетика Рик Пери. Фалих најави дека земјата не е заинтересирана за пренамена на нуклеарната технологија за воена употреба.
Пери пак изјави дека е прерано да се даваат изјави за договор за нуклеарна соработка со Саудиска Арабија.