Саудиска Арабија денеска ги затвори амбасадата и конзулатот во либискиот главен град Триполи и го повлече целиот дипломатски персонал поради безбедносни причини, соопшти амбасадорот.
– Сите наши дипломати го напуштија Триполи со приватен авион поради сложената ситуација со безбедноста, со која Либија се соочува во овој момент, изјави амбасадорот Мохамед Махмуд ал Али.