Саудиска Арабија го затвори локалното дописништво на влијателната катарска сателитска телевизија Ал Џазира, неколку часови откако таа и уште неколку арапски држави ги прекинаа дипломатските односи со Доха поради обвинувања дека Катар поддржува исламистички групи.
– Министерството за информации го затвори дописништвото на телевизијата Ал Џазира и ја одзеде лиценцата, јавија саудиски медиуми.
Ријад смета дека Ал Џазира е критички настроена кон саудиската Влада, но телевизијата наведува дека е независен медиум во регионот.