179 лица загинаа, а двајца се спасени од авион со 181 лице што се урна во неделата на меѓународниот аеродром Муан во Јужна Кореја, објави новинската агенција Јонхап, повикувајќи се на спасувачките служби, пренесува Ројтерс.
Летот на Jeju Air 7C2216, кој доаѓал од главниот град на Тајланд, Бангкок со 175 патници и шест членови на екипажот, се обидел да слета околу 9 часот по локално време на аеродромот на југот на земјата, соопшти Министерството за транспорт на Јужна Кореја.
Маж и жена, членови на екипажот, се спасени, додека сите други починале.
„Само опашката е донекаде недопрена, остатокот од авионот е непрепознатлив“, изјави шефот на противпожарната служба Ли Јунг-Хјун.