Лидерот на италијанската опозиција Матео Салвини негираше дека неговата партија “Лига”, е екстремно десничарска партија, претставувајќи ја како умерена партија што сака поддршка од гласачите кои ја избегнуваа порано.
Ние не сме радикална десница.
Немаме амбиција да бидеме претставени во Италија како радикална десница, рече Салвини, кој излезе од Владата минатата година и всушност е лидер на опозицијата.
Тој пред странските новинари посочи дека „секој трет Италијанец гласа за “Лигата”, така што е јасно дека партијата мора да разговара со сите, не само со радикалната десница“.
“Лигата” е се уште најпопуларна италијанска партија со поддршка од околу 30 проценти од Италијанците.