Нови американски санкции против иранскиот енергетски сектор укажуваат на „недостаток на добра волја и сериозност“ на Вашингтон во дијалогот со Техеран, изјави денеска портпаролот на иранското Министерство за надворешни работи пред иранско-американскиот состанок за нуклеарната програма овој викенд.
Вашингтон воведе санкции за ирански магнат со течен гас, како дел од кампањата за „максимален притисок“ на претседателот Доналд Трамп и има за цел да го намали извозот на иранска нафта на нула.
„Постојаното воведување санкции против различни економски сектори на Иран е во јасна спротивност со американското барање за дијалог и преговори и укажува на недостиг на добра волја и сериозност на САД во овој поглед“, рече Есмаил Багеј во изјавата за Телеграм.
Политички и експертски разговори на високо ниво треба да се одржат оваа сабота во Оман за да започнат изготвување рамка за потенцијален договор за спорната иранска нуклеарна програма.
За време на посетата на Пекинг, каде што се сретна со кинескиот вицепремиер Динг Ксуексианг, иранскиот министер за надворешни работи Абас Аракчи изјави за иранските државни медиуми дека е премногу рано да се суди за исходот од разговорите меѓу Иран и САД, за кои рече дека се движат во вистинската насока.
„Ние сме внимателни оптимисти и ако Американците продолжат да бидат конструктивни и избегнат какви било нереални, неостварливи барања, уверен сум дека на крајот можеме да склучиме добар договор“, додаде првиот човек на Иран.