Администрацијата на американскиот претседател Доналд Трамп ги забрани крстарењата и образовните патувања на американските граѓани на Куба.
Американското Министерство за трговија од денеска забранува испловување на крузери и други пловни објекти од САД кон Куба.
Крстарењата од САД до Куба почнаа во мај 2016 година за време на мандатот на Барак Обама кој се обидуваше да ги обнови односите помеѓу двете земји и оттогаш над 142.000 Американци го посетија островот.
Советникот за национална безбедност на Џон Болтон уште во ноември најави нови санкции за Хавана, додека забраната за крстарење ја оцени како укинување на изворот на приходи за кубанската Влада.
– Ќе продолжиме да преземаме акции за да го ограничиме пристапот на кубанскиот режим до американските долари, истакна Болтон на Твитер.