Севернокорејскиот сателит кој од вчера е во вселената е вон контрола и претставува ризик за сите други сателити во орбитата, јави Ен-Би-Си, повикувајќи се на изјави на американски официјални лица.
Ракетата која го носеше сателитот беше лансирана вчера и сите држави кои имаа можност да го следат објектот во вселената соопштија дека лансирањето било успешно.
Според Северна Кореја сателитот треба да служи за следење временски прилики.
Првата колизија меѓу два сателита се случи во 2009 година меѓу американскиот комуникациски сателит Иридиум лансиран во 1997 година и руски сателит лансиран 1993 година. Движењето на Квангмионгсонг-3 може да се следи во реално време наwww.n2yo.com.