Белата куќа соопшти дека сериозно ги разгледува заканите од Северна Кореја, но истовремено забележува дека Пјонгјанг има историја на воинствени изјави.
Северна Кореја вчера соопшти дека корејскиот полуостров е во воена состојба заканувајќи дека ќе урне комплекс фабрики кој се наоѓа на граница со Јужна Кореја и претставува симбол на досегашната соработка меѓу двете држави.
– Видовме извештаи за нови неконструктивни наводи од Северна Кореја. Сериозно ги анализираме и за тоа прашање соработуваме со нашите сојузници во Јужна Кореја, изјави Кејтлилн Хајден, портпарол на Советот за национална безбедност.
Таа додаде дека новата изјава од Пјонгјанг е дел од досегашната матрица на воинствени изјави.