Вашингтон е „многу загрижен“ поради извештаите дека севернокорејски војници се распоредени заедно со руските сили во Украина, иако досега не можеше да ги потврди тврдењата на Јужна Кореја и Украина, изјави денеска портпаролот на Советот за национална безбедност, Шон Савет.
„Многу сме загрижени поради извештаите за севернокорејски војници кои се борат во име на Русија“, соопшти Сaвет.
Тој рече дека САД не можат да ја потврдат вистинитоста на извештајот, но додаде дека „ако е вистина, тоа ќе означи опасен развој во руската војна против Украина“.
Сaвет рече дека таквиот потег „ќе укаже на растечкиот очај на Русија“, бидејќи таа претрпе „вонредни жртви на бојното поле во нејзината брутална војна против Украина“.
„Ако Русија навистина биде принудена да се сврти кон Северна Кореја за работна сила, тоа би било знак на очај“, рече Савет.