САД изразија загриженост поради односите меѓу Турција и палестинското движење Хамас, објави „Хуриет дејли њуз“.
– Ставот кон Хамас не ни е променет. Хамас се смета за странска терористичка организација, која продолжува да изввршува терористички акции и ги покажа намерите за време на конфликтот со Израел во летото, изјави синоќа портпаролката на Стејт департментот Џен Саки.
Нејзината изјава уследи откако шефот на турската дипломатија Мевљут Чавушоглу истакна дека лидерот на Хамас, Халед Машал, протеран од Катар, може да отиде во Турција.
– Стравуваме поради односите меѓу Хамас и Турција, посочи Саки.
Турција одржува блиски врски со Хамас. Машал често ја посетува Турција, а минатиот месец присуствуваше на конгресот на владејачката Партија на правдата и развојот.