Американскиот секретар за одбрана Лојд Остин ја овласти американската војска да го зајакне своето присуство на Блискиот Исток.
„Остин ја зголеми подготвеноста на дополнителните американски сили за распоредување за подобро да одговорат на различни непредвидени ситуации“, рече портпаролот на Пентагон, генерал-мајор Патрик Рајдер.
„Остин јасно стави до знаење дека ако Иран или неговите сојузници го искористат овој момент за да го таргетираат американскиот персонал или интересите во регионот, САД ќе ги преземат сите неопходни мерки за одбрана на нашиот народ“, додаде тој.
Пентагон во соопштението рече дека може да распореди сили на краток рок и дека САД остануваат фокусирани на заштита на американските граѓани и сили во регионот, одбрана на Израел и деескалација на ситуацијата.